Sontinumungan angatama pro Palestin aktivis nantaban id Mesir suang dimpoton diolo doid moi papatod ponguhup id Gaza id kakatalib. Kogumuan id aktivis nga mantad id Maghribi, Algeria om Eropah nantaban id Cairo soira nokorikot yolo id gana tutumulud.
Iso aktivis rinakam id handphone dau daamot isio mimboros antakan id koyuan:
“Kokorikot yahai miampai do tikit om visa i himag, tahanai yahai koobian kikuasa tolu jam. Haro aktivis pinasaga sumuang pogun diti nga haro 12 aktivis id kapal tutumulud nasakai dahai au pinasaga sumuang. Numaan di yolo pogulio. Au apatut toi apatong do pogun abantug momonsoi irad iri.
“Au daa yahai moi do hiti nung pogun diti (Mesir) papajalan karaja diolo do mongidu id ka’antaban id Gaza. Nung irad idi, au daa yolo apatut magantob dimpoton toinsanan id aktivis moi hiti do monguhup tulun id Gaza,” boros dau.
Pogulu dilo, numaan boroso id montiri mananalob doid Israel monuhu id Mesir do magantob toinsanan id aktivis moi rikot hilo gontob id Gaza.
Koporintaan id Mesir minoboros do isai-isai nopo moi rikot id gontob Gaza nga mositi kiharo id permit.
Pogulu mantad koyuan diti nga nantaban id buut do Madleen id rahat sompomogunan moi daa papatod id ponguhupan kumaa tulun id Gaza. Numaan pogulio id suai om haro nogi kakal po natahan id koobian do Israel.
Abar mantad: Middle East Eye YouTube Channel.
Gambar mantad unsplash.
